Cheka na Mc Pilipili - Episode 1.

Leo tunaanza Kipengele kipya kabisa ambacho kitakuwa kinakujia kila Siku ya Jumanne. Segment hii itaitwa, "Cheka na Mc Pilipili".

Mc Pilipili ni Mc maarufu sana Tanzania, na pia ni Mchekeshaji aliyejivunia umaarufu Mkubwa sana ndani na nje ya Tanzania. Kabila lake ni Mgogo wa Dodoma. Ni Mc aliyepitia mambo mengi sana katika Maisha yake, hasa Ugumu wa maisha aliokumbana nao wakati anaanza shughuli hizi. Tutaweka Historia ya Mc Pilipili siku chache zijazo.

Mc Pilipili a.k.a Handsome wa Kigogo, pia aliwahi kuwa Mwalimu wa Shule za Sekondari kwa Miaka 7 huko Dodoma, Tanzania na baadaye kuacha kazi hiyo kisha kuwa Mchekeshaji na Mc kwenye Shughuli mbalimbali.

Sasa leo katika "Cheka na Mc Pilipili", tunaanza na Kichekesho hiki Kuhusu mambo ya "Cinema". Sasa Cinema kuna mambo gani??? Tazama Video hii hapa

Wasiliana na Mc Pilipili

0715 415542

0754 415542

Solomon Mukubwa, Lisu kushiriki Tamasha la Krismasi.

Solomon Mukubwa

MWIMBAJI mahiri wa muziki wa Injili, Solomon Mukubwa atashiriki Tamasha la Krismasi lililopangwa kufanyika Desemba 25, mwaka huu kwenye Uwanja wa Taifa, Dar es Salaam.

Mwenyekiti wa Kamati ya Maandalizi ya tamasha hilo, Alex Msama alisema jana kuwa tayari wamemalizana na Mukubwa ambaye ni raia wa Jamhuri ya Kidemokrasia ya Congo (DRC) anayeishi Kenya.

“Pia tumemalizana na mwimbaji wa hapa nchini anaitwa John Lissu ambaye ni mmoja kati ya waimbaji mahiri na wenye mashabiki wengi. “Dhamira yetu ni kuwa na wasanii wote wanaokubalika na mashabiki,” alisema Msama na kuongeza kuwa Desemba 26, mwaka huu tamasha hilo litafanyika Uwanja wa Jamhuri Morogoro.

Mukubwa ametamba na albamu mbalimbali ikiwemo Usikate Tamaa, ambayo ina nyimbo kama Mungu Wangu Nitetee, Niko na Yesu, Mke Si Nguo, Moyo Tukuza Bwana, Chunga Ahadi Yako na Yesu Jina Zuri na Usikate Tamaa.

Pia Mukubwa amewahi kutoa albamu mbili ambazo ni Sijaona Rafiki na Mungu Mwenye Nguvu. Sijaona Rafiki Kama Yesu ambayo ni albamu yake ya kwanza ina nyimbo za Uwe Nami Bwana, Sijaona Rafiki Kama Yesu, Nitayainua Macho, Matendo ya Mungu, Bwana Wastahili na Yesu Kimbilio.

Wasanii wengine wameshathibitisha kushiriki tamasha hilo la nyimbo za kusifu na kuabudu ni Watanzania, Rose Muhando, Upendo Nkone na Upendo Kilahiro wakati wa nje ni Ephraim Sekeleti wa Zambia.

- Habari Leo -

Mtoto wa Kiroho wa TB Joshua alitabiri Matokeo ya Nigeria na Ethiopia.

Mtoto wa kiroho wa Tb Joshua ambaye pia ni Mchezaji wa Timu ya Taifa ya Nchini Nigeria(Super Eagles), Midfilder Ogenyi Onazi alitabiri Matokeo kati ya Timu yao ya Nigeria na Ethiopia uliochezwa Novemba 16, na Matokeo kuwa 2-0 kwa Nigeria kushinda bao 2.

Siku ya Ijumaa Novemba 15, Mchezaji huyo ambaye ni Mshirika wa Kanisa la SCOAN la Nchini Nigeria lililochini ya TB Joshua, alitabiri kuwa Nigeria itashinda 2-0 katika Mchezo huo, na ndivyo ilivyokuwa.

Utabiri wa mchezaji huyo umewashtua watu wengi kwa kuweza kuotea kwa Usahihi jambo lililowafanya watu kuhisi kuwa Utabiri huo ulitolewa na TB Joshua.

Jambo hili limefanya Mchezaji huyo wa Nigeria Onazi kupewa jina la Nabii mtoto. Ushindi huo uliwapa nafasi Timu ya Nigeria(Super Eagles) kufuzu Tiketi ya Kushiriki Mashindano ya Kombe la Dunia.

Mwimbaji Mr. Boo wa Kenya kufanyiwa Upasuaji.

Mr. Boo

Mwimbaji wa Nyimbo za Injili toka Nchini Kenya maarufu kama Mr. Boo, anatarajiwa kufanyiwa upasuaji mwingine. Upasuaji huu unafuatia Upasuaji mwingine aliofanyiwa Mr. Boo wa kutoa vipande vya Mawe katika Figo yake.

Mwimbaji huu alimpoteza Mama yake mzazi mwaka huu, na wiki chache baada ya Kifo cha Mama yake alifanyiwa Upasuaji.

Mr. Boo anasema Upasuaji huu unaofanyika mara kwa mara umekuwa ukimuathiri sana kimwili na kifedha kwa huwa inatumia pesa nyingi sana kwa ajili ya zoezi kama hilo.

Kumbuka kumuweka Mwimbaji huyu katika Maombi ili Mungu amuepushe na Matatizo haya ambayo yamekuwa yakimsumbua Mara kwa Mara.

Huu ni Wimbo wa Mr. Boo ujulikanao kama "Sugua", Wimbo aliomshirikisha Mwimbaji Angel

Andrew Palau akamilisha Mkutano wa "Love Ethiopia Festival" Nchini Ethiopia.

Andrew Palau(Wa pili kushoto kwa walioketi) akiwa na Wachungaji mbalimbali wa Nchini Ethiopia

Mwinjilisti wa Kimataifa Andrew Palau, amemaliza Mkutano mkubwa wa Injili Nchini Ethiopia, Mkutano uliopewa Jina la "Love Ethiopia Festival". Mkutano huo umefanyika Novemba 16 na 17, 2013.

Katika Mkutano huo, Waimbaji mbalimbali wa ndani na Nje ya Ethiopia walihudumu, akiwepo Mwimbaji wa Kimataifa Don Moen. Mkutano huo mkubwa ulifanyika Mji Mkuu wa Ethiopia, Addis Ababa.

Mkutano huo pia ulihusisha utoaji wa Huduma mbalimbali za Kijamii, kama vile matibabu ya Macho. Pia michezo mbalimbali kama vile Kuendesha baiskeli ukitokea kuwavuta watu mbalimbali waliofika kwenye Mkutano huo.

Tazama Picha hizi uone Mambo yalivyokuwa huko Ethiopia

Watu wakipata Matibabu

Mwendesha Baiskeli akisalimia Mashabiki zake

Kazi ikiendelea

Andrew Palau akihubiri

Injli ikiendelea

Mamia ya watu wakiwa kwenye Mkutano

Haleluyah!!!

Mass Choir ya Ethiopia ikihudumu

Don Moen akihudumu kwenye Mkutano huo

Eneo la Tukio

Watu wakifuatilia kwa Makini kinachoendelea Madhabahuni

Wakati wa Maombi

Mkutano kama huu, uliwahi kufanyika Tanzania ukipewa Jina la "Love Tanzania Festival" ambapo Waimbaji kama Don Moen na Nicole C. Mullen walihudumu katika Mkutano huo, uliofanyika Viwanja vya Jangwani August 11 na 12, 2012.