KUNDI la Glorious Worship Team (GWT) linatarajiwa kuzindua DVD inayojulikana kwa jina la ‘Umenifanya Ibada’.
Kiongozi
wa kundi hilo, Emmanuel Mabisa, amesema kuwa uzinduzi huo unafanyika leo katika ukumbi wa Kanisa la CCC Upanga jijini Dar es salaam.
DVD hiyo ambayo imerekodiwa ‘Live’ mwishoni mwa mwaka juzi, tayari
‘audio’ yake ilishatoka na kuwabamba wapenzi wa muziki wa Injili
kutokana na nyimbo, sauti na mpangilio wa ala.
Mabisa amesema kuwa uzinduzi huo unasindikizwa na waimbaji wengine wa
Injili wakiwamo Miriam Lukindo, The Next Level Team, Upendo Nkone,
Florence Mureith kutoka Kenya, Rivers of Joy, Zion Band pamoja na kundi
la Acapela The Voice.
“Hii ni albamu yetu ya pili, ya kwanza ilikuwa ‘Niguse’, na albamu hii ina nyimbo 14,” amesema Mabisa.
Amezitaja baadhi yake kuwa ni ‘Hakuna Rafiki, ‘Sogea’, ‘Nikubali’,
‘Nanyenyekea’, ‘Umedhihirika’, ‘Nimemuona’, na iliyobeba albamu
‘Umenifanya Ibada’.
“Nitoe wito tu kwa mashabiki wa muziki wa Injili, kujitokeza kuja
kuona kitu cha tofauti, kwani sisi hatuimbi kwa CD bali tunafanya ‘live
music’,” amesema Mabisa.
